好多人以為咩都唔做機會就會自己走上門...就黎睇化到變左仙人mode。如果你真心信順其自然，你就的確係佛系單身狗；但如果你日呻夜呻又唔主動出撃就唔係佛系，係傻系。
做人唔可以完全賴曬命運，命運係要由自己掌握，唔係天決定，主動啲最少對得住自己先，最後失敗都有盡過力，有資格呻。
所以我唔太贊成做人過於佛系，至少唔適用於現代社會既年輕人。大家喺隨遇而安之前應該反省自己，根本好多人都唔係真正冇所謂，明明有所謂只係驚比人笑或者鬧先扮冇。但如果你真正在意一件事，咁就要盡力爭取，唔好因為佛系呢個字困死左自己，搞到年紀輕輕冇左團火，到死嗰刻先黎後悔：成世人miss左太多野。
#By智障男朋友